TUMTAHMI LEH LUNGPUT
CBANA a din thok ihsin a tumtahmi le lungput pawl tla cu a hnuailam vekin an si. (1). Pathian hmin sunlawinak hrangah (I Korin 10:30) (2). Sungtel kawhhran zaten Hngetkhoh tei dinsuah ding (3) Sungtel kawhhran zaten Mission lungput nei ih Mission hnatuantu si ding. (4) Chin(Falam) Miphun pi huap in thansonak lam hna Pathian hmin in tuan tlang ding. (5) North America um Laicinsempi unau zaten Pathian thu sungah thinlung, taksa, thlarau ih thanlian ding (6) North America ram sungah Pathian ih thlasuah in pekmi tong, calai, nun mawi humhim, kilkhawi ding. (7) North America ram sung um laicinsempi unau zaten sicih aw ton in Pathian thangthat tlang, Mision hnatuan tlang ding. (8) Leitlun hmun tin ih um mi Lai -cinseempi unau zate thawn sicih aw ton ten Pathian hmin in hna sunglawi tuan tlang ding. (9) A hngetkhoh mi Zumnak a bang aw mi Christian pawlkom thawn hnatuan tlang ding.
Tuanvo ih ruahmi: (1) North America ah hin Pathian in Mission hnatuan ding ih thlah mi kan si. (2) Taanta mi Sempi unau, ram hrangah an palai, tuamhlawmtu Nupa dinhmun ah din ding.
Kawhhran dinsuah dan tlangpi: Chin (Falam) tong hmangtu pawl North America ram kan thlen tikah kan thlennak hmun cio ah unau dang pawl thawn Pathian biak khawmnak neih a si. Minung a tam awk vivo tikah Mahle Tappi tong te ih Pathian Biakkhawmnak nei ding ih ke kar thawh a si tikah Harsatnak tampi a um. Cu lawng siloin Kawlram ah denomination Back ground dangdang ihsin rami kan si tikah hmun khat ih komkhawm aw dingah harsatnak tampi a um. Pathian ih lamzin onsak mi a si ruangah tuisunni ah kawhhran (39) tiang hmun khat te ah um tlang theinak asi tiin pom a si. Hmun khat ih um tlang ih thathnemnak le sunlawinak a hmu aw vivo cio ih a sunglawi tuk.
CBA NA kaihhruai awk dan le hruaitu pawl: Pathian in Chin(Falam) mi pawl sihcih awknak ih dinsuah mi a si. Mitampi kekar tlangnak a sivekih hruai awk dan tete hi a remcang bik ding inngaih tuah a si. Tualsung kawhhran parih hrambun aw a si vekin kaihhruai awknak ah minung ah ttum aw lo in kawhhran ah tthum aw in tuanvo sawm awk ton a si. June,2008 ihsin May,2013 hi Kawhhran ah thum aw in President rule ih hruaiawk a si. 2013 May ihsin veikhatnak election tuah a siih General Secretary rule in June ,2013 ihsin feh thok a si. Zumtu zaten zanghleicawi ih pekawk, tanlaknak parah Pathian in thlua in suah vivo ih 2017 ihsin Full time in General secretary a nei thei. Office hi May 2017 ihsin din thok a siih, Office Secretary cu June 2017 ihsin Full tim ihsin neih asi. 2019 ihsin Mission Director khal Full time nei thei ding in BM ih thluasuah pek zo mi le thlacamnak neih mi a si. CBANA puan thlam kauh ter vivo tu Pathian kan thangthat.